Suliffeqarfiup ilisaritinnera

Masik 1986-imi pilersinneqarpoq, aqqartartutut suliffeqarfiattut. Taamanikkulli Masik ineriartorpoq, ullumikkulli Kalaallit Nunaanni imarsiornermi sullisisunik annersanut ilaalluni namminersortumik piginnitseqarluni. Masik immikkuullarissunik angallataateqarpoq assartuuteqarlunilu kalittakkanik, taakkualu angallassisarlutik inunnik, assartukkanik nassiussanillu.

Masik ukiorpassuit ingerlanerini assigiinngitsorpassuarnik sulianik naammassisaqarnikuuvoq,  Nunatsinneersunillu pikkorissunik misilittagaqarluartunik Kalaallillu Nunaata sineriassuani ilisimaarinnilluagalinnik sulisoqarpoq.

Masik  assigiinngitsunik imarsiornikkut sullissinernik neqerooruteqarpoq, imarsiornikkullu ilusilersukkaniit sanaartugassanik oqimaatsunik suliassanik immamilu pissarititanik piiaasinnaalluni.